Poem-1

હું મને ખોઈ નાખું ને પાછી હું જ મને જડું
સાંકડી શેરીમાં મૂઈ પાછી હું જ   મને નડું
ચડું ચડું ને પડું પડું તો ય આભમાં જઈ અડું
વરસતા વરસાદમાં જાણે વીજળી થઈ પડું
કાળ મહાકાળ વીતે, પડી રહું થઈ મડું
કો'એક નાદથી જાગી પાછી હું જ મને રડું
સપનું છે કે સાચકલું આ જે સામે આવી ખડું
અનહદ માં અણઘડ  એવી  હું જ  મને ઘડું
બંધ પીપડા માં સલવાણી આમતેમ  દડું
હું મને ખોઈ નાખું ને પાછી હું જ મને જડું

તરલિકા ત્રિવેદી

ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

યાજ્ઞવલ્કય -1

  યાજ્ઞવલ્કય પ્રકરણ ૧  Yagnavalkay_01 ઘણાં ઘણાં વર્ષો પહેલાંની આ વાત છે.  બ્રહમરથ નામે એક ઋષિ હતા.  સાચુકલા માણસ, જે બોલે એ જ કરે.  વેદોના મહાપંડિત, પણ એમને વેદોમાંના ક્રિયાકાંડ અને યજ્ઞમાં જ રુચિ. યજ્ઞ યાગ કરી જે સુખશાંતિ થી રહેવા ઈચ્છે તો એ કર્મ નો માર્ગ છે, જ્ઞાન નો નહિ. બ્રહમરથને વેદોની જ્ઞાન શાખામાં ન રસ હતો, ન કોઇ જાણકારી.  આ શરીર, આ વિશ્વ, આ જન્મ મરણના ચક્કર... આ બધું શું છે એનો ઉત્તર આપે છે, વેદોની જ્ઞાન વિદ્યા શાખા --- ઉપનિષદો--પણ આ સમય એવો  હતો જયારે આ પ્રશ્નો માં કોઈને રસ નહોતો, કોઈ " બ્રહમર્ષિ " નહોતા, બધાં કર્મકાંડી હતા. હવે આ બ્રહમરથને કોઈ સંતાન નહોતું.  એટલે એ અને એમના પત્ની સુનંદાએ તો તપ કરવા માંડ્યું, યોગાનુયોગ એમને ત્યાં પુત્ર જન્મ્યો. એમણે અગ્નિ, યજ્ઞેશ્વરની કૃપા સમજી પુત્ર નું નામ રાખ્યું, યાજ્ઞવલ્કય. હવે આ ભાઈ નામે યાજ્ઞવલ્કય, અગ્નિ ની કૃપા હશે એટલે જન્મથી જ હતાં " ફાયરબ્રાન્ડ'!  માતાપિતાના કર્મકાંડ જોયા કરે અને એમાં એ બાળકને અનેક પ્રશ્નો થયાં કરે. માબાપે વિચાર્યું,  આ પ્રશ્નો ના જવાબ તો કોઈ ગુરુ જ આપી શકે, અને બાલ ...
વધુ વાંચો

તમારી “ કિંમત” શું?

  હજારેક રુપિયા ?  તમારી “ કિંમત ” શું ?  શનિવારની સાંજ હતી . રસ્તા પરથી અનેક યુગલો એમની મોજમાં પસાર થઈ રહયા હતા . રમેશ દલાલ પણ આમતેમ એકલો એકલો   આંટા મારી રહયો હતો . પહેલાં તો એ અને ગીતા શહેરથી દૂર સુધી ફરવા જતા અને પછી   ડીનર કોઈને કોઈ હોટેલમાં સાથે જ લેતા .  ગીતા શાહ એની જ બેન્કમાં હતી , અને ધીમે ધીમે બંને વચ્ચે સારી મૈત્રી જામી હતી . એમના ઘણાં વિચારો મળતા આવતા હતા . રમેશને તો એમ પણ લાગતું હતું કે એને ગીતાનો સાથ આખી જિંદગી મળશે પણ જયારથી સમીર દેસાઈની બદલી   એમની બેન્કની આ બ્રાન્ચમાં થઈ ત્યારથી ગીતા બદલાઈ ગઈ હતી .  રમેશે ઊંડો નિસાસો નાખ્યો અને ધૂનમાં ચાલતો ચાલતો શહેરથી ખૂબ દૂર આવી ગયો .  ગીતાનો ય શું વાંક ? રમેશ દલાલ અને સમીર દેસાઈમાંથી પસંદગી કરવાની હોય તો કોઈ પણ વ્યકતિ ફૂટડા સમીરને જ પકડે . પાંચ ફીટ અગિયાર ઈંચની ઊંચાઈ , વાંકડીયા વાળ , હસમુખો સ્વભાવ , તેજસ્વી વ્યકતિત્વ .  અને કયાં રમેશ ? મધ્યમ કદનો , દૂબળો ...
વધુ વાંચો

मा विद्विषावहै

છબી
 દ્વિવચન અને मा विद्विषावहै !  એક વચન અને બહુ વચન - Singular and plural  હું અને અમે -આપણે-  તો વ્યવહારમાં પ્રચલિત છે પણ  આ દ્વિવચન - એ સંસ્કૃતમાં શીખ્યા  અને જ્યારે જ્યારે, જ્યાં જ્યાં , દ્વિવચન જોઉં  ત્યાં ત્યાં ઉપનિષદ યાદ આવે.  આવ, મારી પાસે આવી બેસ અને આપણે ભણીએ, શીખીએ, આત્મજ્ઞાન.  Dialogue between the  Two..  મોનોલોગ- ફકત ભાષણ નહિ પણ  ડાયલોગ-બે વચ્ચેનો  સંવાદ-અને  સંવાદ ને સંવાદ જ માત્ર, વિતંડાવાદ નહિ.  ચર્ચા ખરી પણ જેનું પરિણામ આવી શકે તેવી ચર્ચા.  આ બધું શરું કરતા પહેલા એક "વીશ" કરવામાં આવે છે, મનમાં એક ભાવના પેદા થાય છે- એ શાંતિમંત્ર - ઉપનિષદ - શીખવાનું ચાલું કરતા પહેલા inaugural મંત્ર.  આ મંત્ર કઠ, તૈતરિય અને શ્વેતશ્વેતર ઉપનિષદમાં આવે છે.  અહીં બે જ જણની વાત છે એટલે સ્વભાવિક જ આખા મંત્રમાં દ્વિવચન નો ઉપયોગ છે.  ॐ सह नाववतु । सह नौ भुनक्तु । सह वीर्यं करवावहै । तेजस्वि नावधीतमस्तु मा विद्विषावहै । ॐ शान्तिः शान्तिः शान्तिः ॥ - અહીં -"સહ નૌ" માટે આ શુભેચ્છા છે. નૌ એટલે અમે બે- સહ -...
વધુ વાંચો